تغيب الناس عن عيني وشخصك يالغلا ماغاب
كتبهاد.الآء ، في 24 تشرين الثاني 2008 الساعة: 13:26 م
تغيب الناس عن عيني وشخصك يالغلا ماغاب
________ اشوفك وين ما امشي وطيفك ساكن ابعيني
احبك والمحبه جت من الله ومالها اسباب
________ لقيتك تجري في دمي وتسكن في شراييني
وانا من كثر ما اغليك ابا البس من غلاك اثياب
________ واكحل ناظري ابشوفك ياطيفن ما يخليني
ابا اقهر كل عذالي عسى الله لا يجيب اغياب
________ واشوفك دوم في قربي احاكيك وتحاكيني
وابا اسكن في نظر عينك وابيك اتضمني باهداب
________ وابي كل ما شكيت الهم في بعدك تواسيني
وابي لو شانت الدنيا ابي نحيا ونموت احباب
________ وابي كل ما توله ناظرك تكفى تناديني
حبيبي لو تباعدنا ابا اصبر والقلوب اقراب
________ وانا في داخلك ساكن اذا ما قلتلي ويني
فديتك يابعد كل البشر والناس والاصحاب
________ فديتك يللي في قربك احس الدنيا بايديني
“`لزوجي .. ابو زيد
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
